06.05.018 - இருமைக்கும் ஒருவன் - (மடக்கு)

06.05 – பலவகை

2010-11-07

06.05.018) இருமைக்கும் ஒருவன் - (மடக்கு)

----------------------------------------

(அறுசீர் விருத்தம் - 6 மா - சொற்கள் மடக்குப் பெற்று வருமாறு அமைந்தது)

ஆறு சடையுள் நிலவும்

..  அருகே ஏறும் நிலவும்

ஏறு திகழும் கொடியான்

..  இடப்பால் ஓர்பூங் கொடியான்

நாறு கொன்றைத் தாரான்

..  நமக்கோர் பிறவி தாரான்

பேறு வேண்டி வேண்டில்

..  பெறலாம் ஐயம் இலையே.

நிலவும் - 1) இருக்கும்; 2) சந்திரனும்;

ஏறு - 1) மேலே ஏறுதல்; 2) இடபம்;

கொடி - 1) துவஜம்; 2) கொடி போன்ற பெண்;

தாரான் - 1) மாலை அணிபவன்; 2) அளிக்கமாட்டான்;

வேண்டுதல் - 1) விரும்புதல் 2) பிரார்த்தித்தல்;

வி. சுப்பிரமணியன்

-------------------------------- -------------------------------